Қарағанды облысында қатты желден аяқталмаған мектеп ғимараты құлап кеткені туралы видео тарап жатыр, деп хабарлайды taulik.kz Stan.kz сайтына сілтеме жасап.
Видео авторының айтуынша, жазба Шет ауданы, Ағадыр ауылында түсірілген. Бейнежазбада бір жарым метрдей бой көтерген нысан қабырғаларының құлап қалғанын байқауға болады. Видеода қабырғаларды тұрғызу кезінде құрылысшылардың цементті үнемдеп, барлық құрылыс нормаларын бұзғаны айтылады.
"Біз құрылысты 3-4 жыл бұрын бастағанбыз, бірақ аяқтаған жоқпыз. Ғимаратты пайдалануға бермей тұрып, мәселе көтергеніміз дұрыс болды, балалар зардап шегуі мүмкін еді", –делінген видеода.
Видеоға Қарағанды облысы құрылыс басқармасының басшысы Мұрат Мағзин түсініктеме берді. Оның айтуынша, нысанды салған мердігер компания шынымен де құрылыс нормаларын бұзуға жол берген. Сондықтан ол жүк көтергіш қабырғалардың кірпішін бөлшектеуге міндетті болды. Ол сметалық құжаттамада көрсетілген маркаға сәйкес келмеген.
"Шет ауданы, Ағадыр ауылындағы Ермеков атындағы орта мектептің кеңейтілуін "Ер-Қанат сервис" құрылыс компаниясы жүргізе бастады. Келісімшартқа 2021 жылы қол қойылған. Бұл компания жұмыс кестесін бірнеше рет кешіктіріп келген. Тексеру барысында нысанда бұзушылықтар анықталды. Осы мердігермен келісім-шарт жасалған. Шарттық міндеттемелерді тиісінше орындамауына байланысты біржақты тәртіппен тоқтатылды", - деді Марат Мағазин.
Марат Мағазиннің хабарлауынша, қазірдің өзінде жаңа мердігер анықталып жатыр.
"Біз бұл құрылысты бақылауда ұстаймыз, жұмыстың сапасын үнемі тексеріп отырамыз", - деп қосты Мұрат Мағзин.
