Петропавлда 67 жастағы әйел бесінші қабаттан құлап мерт болды

Петропавлда 67 жастағы әйел 5-қабаттан құлап кетті, деп хабарлайды taulik.kz. Полиция қызметкерлерінің мәліметінше, кеше Петропавл қаласы ПБ-ның кезекші бөліміне Н.Назарбаев көшесіндегі үйдің терезесінен 5-қабаттан 67 жастағы әйел құлап, алған жарақаттарынан оқиға орнында қайтыс болғаны туралы хабарлама келіп түскен. Аталған дерек ҚР ҚК 105-бабының 1-бөлігі бойынша сотқа дейінгі тергеп-тексерулердің бірыңғай тізілімінде тіркелді. Қазір істің мән-жайын жан-жақты зерттеуге бағытталған тергеу әрекеттері жүргізіліп жатыр. Олардың нәтижелері бойынша түпкілікті процестік шешім қабылданатын болады.