Әкімдер өз қаласын жаяу аралауы керек. Бұл туралы Мемлекет басшысы айтты, деп хабарлайды taulik.kz.
Мемлекет басшысы Қасым-Жомарт Тоқаев еліміздің әлеуметтік-экономикалық дамуы жөніндегі кеңесте қалалар мен әкімдерді сынға алды.
"Астананың жоғары мәртебесіне қала орталығы ғана емес, оның шеткі аудандары да сай болуы керек деп бірнеше рет айттым. Біздің қалаларымыздың бет-келбеті нашар көрінеді, оны мойындау керек. Мұнда барлық деңгейдегі әкімдер бар, мәслихат өкілдері отыр. Осы мәселеге назар аударыңыздар. Жақында теледидардан Семейдегі балалар алаңы туралы сюжет көрсетті. Ол алаңды пайдалану қауіпті. Әкімдер өз қаласы мен елдімекенінде жаяу жүруі керек. Бұл елордаға да қатысты", – деді мемлекет басшысы.