Қазақстанда мұқтаждарға атаулы әлеуметтік көмек беру тоқтатыла ма?

"Қазақстанда мұқтаждарға атаулы әлеуметтік көмек беру тоқтатыла ма?"-бұл туралы Taulik.kz жазады. Ulysmedia.kz жазуынша, Еңбек және халықты әлеуметтік қорғау министрі Тамара Дүйсенова мәжілісмендердің атаулы әлеуметтік көмекті алып туралы ұсынысына қатысты пікір білдірген. Жуырда Мәжілістегі Қазақстан халық партиясы фракциясының мүшелері атаулы әлеуметтік көмекті алып тастап, оның орнына ай сайын әр балаға 70 мың теңге жәрдемақы төлеп тұруды ұсынған болатын. Дүйсенованың пікірінше, жәрдемақының аталған түрін тоқтатуға болмайды.

«Атаулы әлеуметтік көмекті тоқтатуға болмайды. Бізде көмек алып отырған отбасылар бар. Олардың қатарында жұмыс істеуге мүмкіндігі жоқ азаматтар да бар. Сондықтан оларға атаулы әлеуметтік көмекті беру керек. Алайда АӘК-тің механизмін жетілдіру бойынша депутаттармен бірге жұмыс істейміз», - деді министр.