25 жастағы танымал әнші үйінен өлі табылды

25 жастағы танымал әнші үйінен өлі табылды Танымал K-pop Astro тобының мүшесі, әнші және биші Мунбин 19 сәуірде үйінде өлі күйінде табылды. Бұл туралы корейлік fantagio музыкалық лейбл өкілдері хабарлады.

"ASTRO мүшесі – Мунбин кенеттен бізді тастап, аспандағы жұлдызға айналды. Бұл сүйікті ұлы мен ағасынан айырылған отбасылардың қайғысымен салыстыруға келмейді, бірақ барлық ASTRO мүшелері, Fantagio әртістері, компания басшылары мен қызметкерлері үлкен қайғы мен күйзеліске ұшырап, қайтыс болған адамды жоқтайды", - делінген хабарламада.

Әншінің қайтыс болу себебін бірден анықтау мүмкін болмады. Ол аутопсиядан кейін анықталады. Алдын ала мәліметтер бойынша, ол өз-өзіне қол жұмсаған болуы мүмкін. Полиция музыканттың өліміне қатысты тергеу жүргізуде.