Қостанайда 85 жастағы зейнеткер 5-қабаттан құлап қаза тапты

Қостанай қаласында зейнеткер әйел 5-қабаттан құлап мерт болды. Оқиға Көбеев көшесі бойындағы тұрғын үйлердің бірінде болған. Куәгерлер сол үйден 85 жастағы зейнеткердің 5-қабаттан құлап кеткенін айтады, деп хабарлайды Taulik.kz. Alau.kz жазуынша, осы оқиғаға байланысты полиция сотқа дейінгі тергеу амалдарын қолға алды. Зейнеткер оқиға орнында жан тапсырған. Жедел-тергеу тобы оқиға орнында істің мән-жайын анықтап жатыр.