Қазақстандық боксшының кәсіби рингтегі жекпе-жегі нокаутпен аяқталды

Қазақстандық ауыр салмақтағы боксшы 24 жастағы Әділ Ақанов (1-0, 1 КО) кәсіби рингте сәтті дебют жасады деп хабарлайды Taulik.kz. Sports.kz жазуынша, ол Бангкоктағы (Таиланд) бокс кешінде өнер көрсетіп, жергілікті боксшы, 41 жастағы Порнвиссан Сувароспен (0-8) кездескен. Төрт раундқа есептелген кездесу үшінші раундта аяқталды. Ақанов қарсыласын нокаутқа жіберіп, жеңіске жетті.