Қазақстанда қанша ұлт тұрады

Қазақстан халқының бірлігі күні қарсаңында Ұлттық статистика бюросы еліміздің 2023 жылғы этникалық құрамын жариялады, деп хабарлайды taulik.kz ulysmedia.kz сайтына сілтеме жасап. Бүгінгі таңда Қазақстан халқының саны 19 808 430 адамды құрайды. Оның ішінде 70,6% қазақтар, орыс халқының үлесі – 15,1%, өзбектер – 3,2%, украиндар – 1,9%, ұйғырлар – 1,5%, немістер – 1,1%, татарлар – 1,1%, әзірбайжандар – 0,7%, корейлер – 0,6% және басқа ұлттар. Қазақтардың ең көп саны Түркістан облысында – 1,5 миллион, орыстардың көпшілігі Алматыда – 428 мың, Түркістан облысындағы өзбектер – 378 мың адам, Қостанай облысындағы украиндар – 86 мың, 297 мың ұйғырдың ішінде басым бөлігі Алматы облысында тұрады – 120 000 адам. Біздің елімізде гагауздар, лезгиндер, құмықтар, аварлар сияқты этностардың өкілдері әлі де бар. Қазақстанның бір шаңырақ астында барлығы 124 ұлттың өкілдері тұрады.