Бұқтырма су қоймасына 19 млн балық жіберілді

Шығыс Қазақстан облысындағы Бұқтырма су қоймасына 19 млн-ға жуық шабақ жіберілді, деп хабарлайды Taulik.kz. ҚазАқпарат жазуынша, ШҚО өңірлерінде су айдындарын балықтандыру шаралары жүргізіліп жатыр. «Балық шаруашылығын дамыту мақсатында іске асырылатын жұмыстардың бірі – жыл сайын су айдындарын балықтандырып отыру. Балық саны азайып кеткен өзен-суларға уақтылы шабақ жіберіліп отырылуы тиіс. Оны осы саладағы кәсіпорындар жүргізіп отырады. Одан бөлек, мемлекет қаражатына да балықтандыру жұмыстары жүргізіледі», - делінген ақпаратта. Өңірдегі бұл жұмыстар 15 сәуірде басталған. Бүгінгі таңда Бұқтырма су қоймасына 19 млн-ға жуық шабақ жіберілді. Балық ресурстарын молықтыру және сақтау мақсатындағы бұл шаралар мамыр айының соңына дейін жалғаспақ.