Атырауда 10 қабатты жаңа үй өртеніп жатыр

Атырауда 10 қабатты жаңа үй өртеніп жатыр Атырауда жаңадан салынған 10 қабатты үй өртеніп жатыр, деп хабарлайды Taulik.kz. Өрт шамамен сағат 20:30-да (Астана уақыты бойынша 21:30) Махамбет Өтемісов көшесіндегі Lagoon Residence жаңа тұрғын үй кешенінде басталған. Өрт ғимараттың шатырынан басталып, шатырдың жанып жатқан бөліктері құлаған.

"10 қабатты тұрғын үйдің шатырында (алаңы 700 шаршы метр) өрт шықты. Төтенше жағдайлар департаментінің күштері мен құралдары өртті сөндіруде", - деп хабарлады департаменттің баспасөз қызметі.

Оқиға орнында өрт сөндірушілер, полиция және жедел жәрдем қызметкерлері жұмыс істеп жатыр.