Астанада 7 қабатты тұрғын үйдің үшінші қабатындағы пәтердің терезесінен 2021 жылы туған қыз құлап кетті, деп хабарлайды taulik.kz Ulysmedia.kz сайтына сілтеме жасап.
Төтенше жағдайлар министрлігі оқиғаның 6 мамыр күні кешке болғанын мәлімдеді. Анасы үлкен баласымен стоматологияда болған. Терезені ашып, сыртқа шығып кеткенін байқамай қалған кішкентай қыз әкесінің қарауында болған. Жеткіншектің терезеде ілініп тұрғанын көрген көршілері астына көрпе жайып үлгерген. Бүлдіршін орташа жағдайда ауруханаға жатқызылды.«Осылайша, қыздың екінші туған күні болды деп айтуға болады. Ол аман қалды», - деп түсіндірді Төтенше жағдайлар министрлігі.