Ташкентте (Өзбекстан) өтіп жатқан бокстан әлем чемпионатының жартылай финалына шыққан боксшыларымыздың қарсыласы анықталды, деп хабарлады taulik.kz. Жартылай финалға Қазақстан құрамасынан 5 боксшы шықты. Ел құрамасынан шаршы алаңға бірінші болып Санжар Ташкенбай (48 келі) шығады. Отандасымыз таиландтық Вуттичай Юрачаймен жекпе-жек өткізеді. Ал Махмұд Сабырхан (54 келі) кубалық Йосвани Вейтимен жұдырықтасады. Дулат Бекбауов (67 келі) грузин Лаша Гурулимен кездеседі. Ұлттық құрама капитаны Асланбек Шымбергенов (71 келі) үндістандық Нишант Девомен жұдырықтасады. Нұрбек Оралбай (80 келі) ресейлік Имам Хатаевпен шаршы алаңға шығады. Әлем чемпионатының жартылай финалы 12 мамырда, финалдық сайыс 13 және 14 мамыр күндері өтеді.
Боксшыларымыздың жартылай финалдағы қарсыластары анықталды
Боксшыларымыздың жартылай финалдағы қарсыластары анықталды
