Бүгін үш боксшымыз Ташкентте алтын үшін рингке шығады
Бүгін үш боксшымыз Ташкентте алтын үшін рингке шығады
Бүгін Ташкент қаласында бокстан өтіп жатқан әлем чемпионатында үш қазақстандық боксшы финалда бақ сынайды, деп хабарлайды taulik.kz.
Астана уақытымен сағат 18.00-де басталатын бокс кешінде алдымен Махмұд Сабырхан 54 келіге дейінгі салмақта өзбекстандық Ойбек Джураевпен қолғап түйістіреді.
Төртінші жекпе-жекте ұлттық құрама капитаны Асланбек Шымбергенов (71 кг) тағы бір өзбекстандық Саиджамшид Джафаровпен жұдырықтасады.
Бұл күні 80 келіге дейінгі салмақта өтетін бәсеке қызықты болмақ. Онда Нұрбек Оралбай Қытай атынан шығатын қазақ жігіті Тоқтарбек Таңатханмен рингке шығады.
