Ақтөбеде әлеуметтік орталық қызметкерлері балаларды ұрып-соққан, деп хабарлайды Taulik.kz. Ulysmedia.kz жазуынша, Ақтөбе қалалық прокуратурасына №1 әлеуметтік қызмет көрсету орталығындағы қызметкерлердің балаларды ұрып-соққаны туралы хабар түскен. Хабарлама түскен соң прокурорлар қорғаншылық және қамқоршылық органы, Ақтөбе облысы бойынша жұмыспен қамтуды үйлестіру басқармасы өкілдері, полиция және медицина қызметкерлерін ертіп, тексеру жүргізген.
«Бейнебақылау камераларының жазбаларын зерделеу арқылы № 1 әлеуметтік қызмет көрсету орталығының қызметкерлерінің балаларды ұрып-соғу фактісі анықталды. Осы факті бойынша Ақтөбе қаласының прокуратурасы қылмыстық іс қозғап, тергеу үшін Ақтөбе қаласының полиция басқармасына жолдады»,- деп жазылған хабарламада.