«Қалай дұрыс екенін үйретпеңіздер»: Баян Мақсатқызы оранған қыздарға пікір білдірді

"Мойындаймын, мұндай киімде фильм түсірілімі кезінде өзімді ыңғайсыз сезіндім. Басым, құлағым ауырды, денемді босатып, терең демалғым келді. Маған әлі де еркін стиль және қысқа белдемше ыңғайлы. Әлеуметтік желілерде оранған қыздар үн қатып, құқықтарына нұқсан келді және т.б. екенін айтты. Мен Исламның танымал болуына және киімнің мұндай түрлеріне байланысты қыздардың құқықтары мен бостандықтары шектеле бастағанын айтқым келеді, көптеген адамдар қысқа белдемше азғындықтың символы деп ойлайды. Мен жай ғана бітімге келуді және бір-біріне құрметпен қарауды, әркімнің таңдауын құрметтеуді ұсынамын. Мен тыйым салудың кез келген түріне қарсымын. Оранғыңыз келе ме? Ораныңыз. Бірақ бізге қалай дұрыс екенін үйретпеңіздер. Қолдайтындар мен қолдамайтындар үшін үлкен алшақтық пайда болды. Түптеп келгенде бәріміз Қазақстанда, ортақ аспан мен ту астында өмір сүріп жатырмыз. Таяқтың екі ұшы бар және ешкім ненің дұрыс, ненің бұрыс екенін білмейді, біз жай адамдармыз. Біз Конституция бойынша өмір сүріп жатқанымызды еске салғым келеді, яғни діни нормалар емес, азаматтық құқықтар бірінші кезекте сақталатын зайырлы елде өмір сүреміз, бірақ бұл дінді алып тастау дегенді білдірмейді. Бұл зайырлы қоғам мен дін әрқашан қатар жүретінін көрсетеді. Қоғамды өзара сыйластық пен төзімділікке шақырамын", - деді Баян Мақсатқызы.