Ел банктеріне қолма-қол Ресей рублін елден шығаруға рұқсат беріледі

Ел банктеріне қолма-қол Ресей рублін елден шығаруға рұқсат беріледі, деп хабарлайды Taulik.kz ulysmedia.kz-ке сілтеме жасап.  Екінші деңгейдегі Қазақстан банктеріне елден қолма-қол ресей рублін шығаруға рұқсат берілмек.

"Қазақстан Республикасының екінші деңгейдегі банктеріне Қазақстан Республикасынан қолма-қол ресей рублін әкетуге рұқсат етілсін", – делінген премьер-министр Әлихан Смайылов қаулысының жобасында.

Ұлттық банктің түсіндіруінше, қолма-қол ақшаны әкету оларды қолма-қол ақшасыз нысанға айырбастау және шетелдік банктердегі өздерінің корреспонденттік шоттарын толықтыру үшін қажет. Қаулы қол қойылған күнінен бастап қолданысқа енгізілетіні және 2024 жылғы 1 қаңтарға дейін қолданылатыны айтылған. Жоба "Ашық НҚА" сайтында 5 маусымға дейін талқыланады.