Ақтау әуежайы жабылмақ

Ақтау әуежайы жабылмақ Ақтау әуежайы ұшу-қону жолағының жөндеу жұмыстарына байланысты екі күнге жабылады, деп хабарлайды taulik.kz Stan.kz сайтына сілтеме жасап.

"24, 25 мамырда сағат 10:00-ден 20:00-ге дейін Ақтау қаласындағы әуежайдың ұшу-қону жолағындағы жөндеу жұмыстарына жабылатынын хабарлаймыз. Ұшу уақыты туралы соңғы ақпараттар жолаушылардың брондау кезінде көрсетілген нөмірлереріне жіберіледі", - делінген FlyArystan мәлімдемесінде.

Компания Ақтау әуежайының ұшу қауіпсіздігін қамтамасыз ету бойынша шешімін қолдайтынын, сонымен бірге кеш хабарлау жолаушылардың жоспарларына әсер еткеніне өкініш білдіреді.