Абай облысында төтенше жағдай режимі жарияланды

Ресей аумағынан шыққан өрт «Семей орманы» табиғи резерватына да тарап, салдарынан Абай облысында төтенше жағдай режимі жарияланды, деп хабарлайды Taulik.kz.  Абай облысындағы орман өртінің аумағы шамамен 3,5 мың гектарға жетті. Оқиға орнында 201 техника, 8 тікұшақ, бір өрт сөндіру пойызы және жеке құрамның 852 адамы жұмылдырылды. Өршіген өртті сөндіруге желдің екпіні мен батпақты жерлер кедергі келтірген. Қазір Бородулиха ауылынан 277 адам эвакуацияланды. Тонау фактілерін алдын алу үшін ауылдағы полиция қызметкерлері күзетіп тұр.