Ақтөбе облысындағы 4 адам мерт болған жантүршігерлік жол апатына қатысты жаңа деректер белгілі болды, деп хабарлайды taulik.kz Massaget.kz сайтына сілтеме жасап. Қайғылы оқиға 1 маусымда Самара – Шымкент тас жолында болған. Lada Largus-тың 27 жастағы жүргізушісі DAF жүк көлігімен соқтығысқан. Оқиға салдарынан Lada-ның үш жолаушысы оқиға орнында көз жұмды. Тағы төртеуі түрлі жарақат алып, ауруханаға жатқызылған. Lada Largus көлігінде Батыс Қазақстан облысында жұмыс істейтін мұғалімдер болған, олардың үшеуі Оралдағы мектептерде қызмет еткен. Қалалық білім бөлімінің мәліметінше, қаза болғандардың бірі №47 орта мектепте дефектолог боп жұмыс істеген. Кейінірек ауруханада 27 жастағы әйелдің қайтыс болғаны белгілі болды. Ол мекемеге жеткізіліп, жарты сағаттан соң көз жұмған. Ол сурдопедагог боп жұмыс істеген. Мұғалімдер Ақтөбедегі университетте сырттай оқыған, диплом алуға бара жатқан. Олар жұмыстан өз есебінен демалыс алған. Еске салайық, Ақтөбеде жантүршігерлік жол апатынан үш адам қаза тапқанын хабарлаған едік.
«Диплом алуға бара жатқан» – жол апатынан 4 адам қайтыс болды
«Диплом алуға бара жатқан» – жол апатынан 4 адам қайтыс болды
