Қазгидромет мамандары 3-5 маусым - алдағы демалыс күндеріне арналған ауа райы болжамын ұсынды, деп хабарлайды taulik.kz ҚазАқпаратқа сілтеме жасап. Осы күндері Қазақстанның басым бөлігіндегі ауа райын антициклон айқындайды. Циклон мен атмосфералық фронттардың әсерінен тек батыс аймақтарда және еліміздің оңтүстік-шығысындағы таулы аймақтарда жаңбыр жауып, найзағай жарқылдайды. Республиканың оңтүстік өңірлерінде шаңды дауыл соғады, жел күшейеді. Күндізгі уақытта солтүстік-батыс, солтүстікте +36+41°С дейін, шығыста +33+39°С дейін, орталықта +33+41°С дейін, оңтүстікте +37+44°С дейін, оңтүстік-шығыста +30+39°С дейін қатты ыстық сақталады.
Алдағы демалыс күндері 44 градусқа дейін ыстық болады
Алдағы демалыс күндері 44 градусқа дейін ыстық болады
