Қазақ баласы Мексикада әлем чемпионы атанды

Аятжан Әмірханов Мексикада (Мазатлан) оқушылар арасында таэквондодан (WT) Әлем чемпионы атанды, деп хабарлайды taulik.kz. Мектеп оқушылары арасындағы әлем чемпионатын ISF Халықаралық мектеп федерациясы әлемде алғаш рет өткізіп отыр. Бұл Қазақстан үшін әлем чемпионатының алғашқы алтыны әрі тарихи жеңіс. Аятжан – Астана қаласы командасының спортшысы және «KING CLUB ASTANA» спорт клубының мүшесі.