Пригожиннің мәлімдемесінен кейін Лукашенко отбасын Түркияға жіберді

Radartbox.com сервисінің мәліметінше, үкіметтік Canadair CL-600-2B19 Challenger 850 борты Минскіден Түркияға қарай бағыт алған. Бұл ұшақты Беларусь президенті Александр Лукашенконың отбасы мүшелері пайдаланады. Ұшақ Минскіден маусымының 23-нен 24-не қараған түні, Пригожиннің мәлімдемесінен кейін үш сағат өткенде ұшып шыққан. Ол түріктердің Бодрумдағы Жерорта теңізі жағасына келіп қонған. Ұшақ Каспий теңізі арқылы Грузияға өтіп, түріктердің демалыс аймағына бет алған. БАҚ мәліметінше, Лукашенко елінде қалады.