Ұшатын көлік прототипі АҚШ-та сынақтан өткізілмекші

АҚШ-тың Федералдық авиация әкімшілігі (FAA) Калифорниялық стартапқа жолдарда ұша алатын және жүре алатын алғашқы электр көлігін жасап, сынауға рұқсат берді, деп хабарлайды Taulik.kz. Alef Model A көлігін жасаушылардың айтуынша, бұл қоғамдық жолдарда жүріп, кәдімгі көлік сияқты тұра алатын алғашқы ұшақ. Alef Model Aәуеге тігінен көтеріліп, жерге лезде қона алады деп күтілуде. Болжам бойынша, автокөлікке бір-екі жолаушыға сияды, құрлықта 320 шақырымға дейін, әуеде 180 шақырымға дейінгі қашықтықты бағындырады. Сонымен қатар,  Alef Model A сағатына 40 шақырымнан жоғары жылдамдыққа жете алмайды. «Егер жүргізушіге көбірек жылдамдық қажет болса, олар ұшуға жүгінеді деген болжам бар», - деді Alef Aeronautics баспасөз хабарламасында. Өндіруші бұл модельдерді 2025 жылдың соңына қарай сатылымға шығатынын, әрі көліктің құны 300 мың доллар болатындығын есептеді. АҚШ-тың Федералдық авиация әкімшілігі CNN-ге Alef Aeronautics-ке зерттеулер, тәжірибелік-конструкторлық жұмыстар және көрме мақсаттары үшін шектеулі ұшуға жарамдылық сертификатын бергенін растады. Бірақ көліктің АҚШ жолдарында жүру үшін компания әлі де Ұлттық жол қозғалысы қауіпсіздігі басқармасынан (NHTSA) рұқсат алуы керек. Қазір көптеген әзірлеушілер тік ұшу және қону (VTOL) бар көліктерді жасаумен айналысуда. Бірақ FAA Alef Aeronautics көлігі жолда да, әуеде де жұмыс істеу қабілетімен басқалардан ерекшеленетінін, сонымен бірге қарапайым көлікке ұқсайтынын және тұрақты автотұрақтарда тұрақ қоятынын атап өтті.