Әлеуметтік желілерде Қонаев қаласындағы Қапшағай су қоймасының қалалық жағажайынан түрлі кадрлар пайда болды. Демалушылардың көптігінен суреттерден жағажайда бос орынның жоқтығын көруге болса, ал олардың пікірінен дәретханалардың жоқ екендігін білуге болады, деп хабарлайды Taulik.kz.
Press.kz жазуынша, видеода ер адам көкжиекке толы жағажай мен су қоймасында жүзіп жүрген адамдарды көрсетті. Телефонның камерасының обьективіне дәретханалар емес, демалыс аймағандағы катамарандар, қайықтар, тіпті құмды жағалау түскен. Автордың айтуынша, бұл жерде дәретханалар мұнда қарастырылмаған.
Пікірлерде қолданушылар су қоймасындағы жылы судың себебін анықтап, демалушыларды құмырсқа илеуіндегі құмырсқалармен салыстырған ер адамның сөзіне күлді.
Ал әкімдік болса видео авторының сөзін жоққа шығарды. Олар коммуналдық жағажайларда 14 дәретхана жұмыс істейтінін айтты.
"Пайдалану құны 100-150 теңгені құрайды. Көп ұзамай жағалау сызығы өзгертіліп, барлық дәретханалар бір стильге сәйкес қалпына келтіріледі. Сондай-ақ, дәретханалар жағалау бойында орналасқан демалыс орындарында бар. Олар тек базада демалатындар үшін ғана емес, барлығына арналған. Тазалау күніне үш рет жүргізіледі,-деп нақтылады баспасөз қызметі.
Бұған дейін Мәдениет және спорт министрлігі Қазақстанда туристерге арналған 292 дәретхана жетіспейтінін айтқан болатын. Олар елдегі туризмнің тартымдылығының негізгі факторларының бірі саяхаттауға қолайлы жағдай жасау екенін түсіндірді. Атап айтқанда, туристерді санитарлық-гигиеналық құралдармен қамтамасыз ету және оларды күтіп ұстау маңызды.
