Сарыағашта халықаралық іздеуде жүрген ресейлік азамат ұсталды

Сарыағашта халықаралық іздеуде жүрген ресейлік қолға түсті, – деп хабарлайды Taulik.kz сайты Polisia.kz сайтына сілтеме жасап.  Түркістан облысы ПД Криминалдық полиция басқармасының қызметкерлері Сарыағаш АПБ-мен бірлесіп, халықаралық іздеуде жүрген Ресей Федерациясының азаматын ұстады. Анықталғандай, күдікті РФ Самара қаласында бөтеннің мүлкін ұрлаған. Жедел-іздестіру іс-шараларының нәтижесінде, полицейлер күдіктіні Сарыағаш ауданынан ұстады. Ер адам шекара арқылы Өзбекстан Республикасына өтпекші болған. Қазіргі уақытта күдікті УҰИ-ға қамалды. Полицейлер оқиғаның толық мән-жайын анықтау үстінде.

Taulik.kz