2022 жылға арналған өлім-жітім көрсеткіші бойынша ел арасындағы рейтингінде Қазақстан 229 елдің ішінде 85-орынға ие болды, деп хабарлайды Taulik.kz.
Ranking.kz мәліметінше, рейтинг өлім-жітім көрсеткішін – 1000 халыққа шаққандағы санын есептеуге негізделген. ҚР коэффициенті 8,11 болды.
Рейтингте Сербия, Румыния және Литва ең жоғары көрсеткішпен тұр.
ТМД елдері арасында Украина, Ресей және Беларусь қайғылы ондыққа енді.
Биылғы жартыжылдықтың қорытындысы бойынша Қазақстан Республикасында 69,2 мың адам қайтыс болды, бұл бір жыл бұрынғыдан 9,6%-ға аз.
Өңірлік тұрғыда ең көп өлім-жітім Алматы облысында: 7,4 мың адам, жылына минус 8,9%. Шығыс Қазақстан мен Қарағанды облыстары да үздік үштіктен көрінді. Ең аз өлім-жітім Маңғыстау облысында тіркелді: 1,5 мың адам, жылына минус 9%.
Бір қызығы, биыл бір ғана облыс – елорданы қоспағанда, еліміздің барлық дерлік өңірлерінде өлім-жітім санының айтарлықтай төмендеуі байқалады.
Ресми деректерге сәйкес, Қазақстандағы өлім-жітімнің ең көп тараған себептерінің арасында қан айналымы жүйесі аурулары жиі кездеседі: 15,6 мың адам қайтыс болды, бұл бір жыл бұрынғы көрсеткіштен бірден 15,7%-ға аз.
Taulik.kz