Қымбат көлік, сирек қару: Қадыровтың 17 жастағы ұлы үйленді (ВИДЕО)
Шешенстан, 2025 жылғы маусым. Шешенстан басшысы Рамзан Кадыровтің 17 жастағы ұлы Адам Кадыровтың үйлену тойында автоматпен ауаға оқ атқаны түсірілген бейнежазба әлеуметтік желілерде қызу талқылануда. Оқиға 28 маусымда Адамның туған ауылында – Ахмат-Юртта өткен салтанатты шара барысында болған. Видеода жасөспірім «Гелендваген» көлігінің жанында автомат ұстап, той қонақтарының алдында ауаға бірнеше рет оқ атқаны анық көрінеді.
Бұл оқиға тек әлеуметтік желі қолданушыларын ғана емес, құқық қорғау саласындағы сарапшылар мен халықаралық БАҚ-ты да алаңдатты. Олардың айтуынша, мұндай әрекет қоғамдық қауіпсіздікке тікелей қауіп төндіруі мүмкін және заң бойынша жауапкершілікке әкеп соғуы керек. Алайда әзірге Чечня билігі тарапынан бұл әрекетке қатысты ешқандай құқықтық шара қолданылған жоқ.
Той кезінде Рамзан Кадыров ұлына Ресей президенті Владимир Путиннің арнайы құттықтауы түскенін де атап өтті. Бұл факт жас Кадыровтың саяси және символдық маңызы бар тұлға ретінде қабылданатынын көрсетеді.
Адам Кадыров соңғы жылдары Чечняның саяси және қауіпсіздік құрылымында белсенді көріне бастады. Ол 2023 жылы небәрі 15 жасында республиканың қауіпсіздік қызметінде жұмысын бастап, 2025 жылғы сәуір айында Чечня Қауіпсіздік Кеңесінің хатшысы болып тағайындалған. Мұндай жоғарғы лауазымға кәмелетке толмаған азаматтың тағайындалуы Ресей ішінде де, халықаралық деңгейде де сұрақ туғызған еді.
Ресми түрде ешқандай қылмыстық іс қозғалған жоқ. Рамзан Кадыровтың өзі ұлының бұл әрекетін дәстүрлі той салтының бір бөлігі ретінде сипаттап, мәселені қоғамдық қауіп туғызбайтын мәдени контекстпен байланыстырды.
