Мәскеу мен Баку арасындағы шиеленіс: Ресей мәлімдеме жасады
Ресей Федерациясының Сыртқы істер министрлігі Мәскеу мен Баку арасындағы қарым-қатынасты бұзуға бағытталған сыртқы күштердің әрекеттері туралы мәлімдеме жасады.
«Жекелеген күштер Ресей мен Әзербайжан арасындағы өзара сенімді серіктестікке сызат түсіруге тырысуда», — делінген министрлік хабарламасында.
Ресей тарапы Бакуге бұл мәселелер бойынша өзінің принциптік ұстанымдарын жүйелі түрде жеткізіп отырғанын мәлімдеді. Сонымен қатар Мәскеу Батыс елдерінің Армения мен Әзербайжан арасындағы қатынасты қалыпқа келтіру үдерісінен Ресейді ығыстыруға тырысып отырғанын атап өтті.
«Біз Бакуге екіжақты сенімді сақтау және сыртқы араласуға жол бермеу үшін нақты қадамдар ұсынып келеміз», — деді ресми мәлімдемеде.
Соңғы аптада Ресей мен Әзербайжан арасындағы қарым-қатынаста бірқатар шиеленісті жағдайлар орын алды. Осы тұста ресейлік дипломаттар сыртқы күштердің араласуын басты қауіп ретінде атап өтті.
