Іскерлік визамен Үндістанға барған әйел балаларымен үңгірде тұрып келген
Ресей азаматы Нина Кутина Үндістанның Гокарна қаласының орманды төбелеріндегі үңгірде алты жастағы Прия және төрт жастағы Ама есімді екі қызымен бірге тұрып келген. Ол бұл елге бірнеше жыл бұрын іскерлік виза арқылы келген.
Нина үңгірдің ішін рухани орынға айналдырған. Онда индуизмдегі Шива құдайының бір көрінісі саналатын Рудраның мүсінін орнатып, күндерін медитация мен дұғаға арнаған.
Анасы мен балалары дерлік толық оқшауланған күйде шамамен екі апта өмір сүрген. Оларды кездейсоқ патрульдік рейд кезінде жергілікті полиция тауып алған. Қазіргі таңда билік өкілдері отбасының жабайы табиғат жағдайында қалай өмір сүргенін, азық-түлік пен ауыз суды қайдан алғанын анықтауға кірісті.
Нина Кутина (рухани аты – Мохи) бұған дейін Гоа штатында тұрған. Кейін Гокарнаға – діни және медитативтік дәстүрлерімен танымал қалаға көшіп, рухани тәжірибе үшін балаларымен бірге орманға кетуді шешкен.
