Қызғаныш қылмысқа ұласты: Үш баланың анасы өзінің күйеуінің мүшесін түгелдей кесіп тастады (ВИДЕО)
Астанада қызғаныштың салдарынан ауыр қылмыс тіркелді.
Алдын ала мәліметтерге сәйкес, 32 жастағы үш баланың анасы өзінің серіктесіне ауыр дене жарақатын салған. Оқиға кезінде 34 жастағы ер адам ауыр халде, ес-түссіз күйде ауруханаға жеткізілген.
Бұл жағдай туралы уролог Жалғас Игембай әлеуметтік желідегі парақшасында мәлімдеген. Оның айтуынша, ер адамды жедел жәрдем көлігімен жеткізген, ал дәрігерлер оның өмірін сақтап қалғанымен, жарақат салдары өте ауыр болған.
Белгілі болғандай, әйел ер адамның опасыздығын білгеннен кейін оған ұйықтататын дәрі беріп, ес-түссіз жатқан кезінде ауыр әрекетке барған. Медициналық көмек кеш көрсетілгендіктен, дәрігерлер зақымданған ағзаны қалпына келтіре алмаған.
Дәрігердің сөзінше, мұндай жағдайлар сирек кездескенімен, оның салдары өте ауыр болады.
"Өмірін сақтап қалдық, алайда ер адамның болашағына үлкен зиян келді. Бұл ойдан шығарылған оқиға емес, өмірде болған жағдай", – деп жазды маман.
Қазіргі уақытта оқиғаның барлық мән-жайы анықталып жатыр.
