Астана атауын қайтару үшін қанша қаражат қажет?

Астана атауын қайтару үшін қанша қаражат қажет? Парламенттегі депутаттар тобы елорданың бұрынғы Астана атауын қайтару туралы ұсыныс білдіргені мәлім. Кейіннен аталған ұсыныс Мемлекет басшысының келісімімен Конституциялық заң жобасына енгізілді. Осы ретте сарапшылар мен халық арасында: «Астана атауын қайтару үшін қанша қаражат жұмсалады?», -  деген заңды сауал туындады. ҚР Қаржы министрлігі Мемлекеттік органдар бюджеті департаментінің директоры Светлана Кучерова елордаға Астана атауын қайтаруға қатысты қосымша шығындар болмайтынын айтты. Ал экономист Қуанышбек Дүйсенов жетінші арнаға берген сұхбатында:

«2019 жылы елордамыздың атауын өзгерту үшін сарапшылардың болжамы бойынша 125 миллион долларды қамтыған. Бұл үш жыл бұрынғы көрсеткіш. Осы үш жылдың ішінде бізде көптеген нәрсенің бағасы белгілі бір деңгейде өсті. Сәйкесінше осы жолы бюжетке түсетін ауыртпашылықта  жоғары болады. Жалпы қала атауын өзгерту деген дүние экономикаға ешқандай пайда әкелмейтін жүйе», - деді ол.

Сонымен қатар Астана атын қайтару үшін шамамен үкімет бұл жылы 180-200 миллион доллар көлемінде ақша жұмсауы мүмкін деді, экономист Қуанышбек Дүйсенов.

Taulik.kz