Turkish Airlines Ресейден келген ұшқыштарды оқытудан бас тартты

Turkish Airlines әуекомпаниясының оқыту орталығы Ресейден келген мамандарды үйретуден бас тартты. Бұл туралы The Insider басылымы ресейлік әуекомпаниясының біріне сілтеме жасап хабарлайды. Turkish Airlines оқу орталығының ресми хатында айтылғандай, шешім «Еуропалық ұшу қауіпсіздігі агенттігінің санкцияларын күшейтуге» байланысты қабылданды. Сарапшылардың пікірінше, ендігі жерде Ресейде ұшу қауіпсіздігі күрт төмендейді, әсіресе Boeing B777 және Airbus A350 сияқты ұзақ қашықтықтағы лайнерлерге қиын болады дейді.