ЕО-ның сыртқы саясат жөніндегі Жоғарғы өкілі Жозеп Боррель ВВС-ге берген сұхбатында Ресей президенті Владимир Путиннің мобилизациялау туралы үндеуінде айтқан ойларына салмақты көзқараспен қарауға шақырды, деп хабарлайды Taulik.kz сайты.
«Қазір – өте қауіпті сәт. Өйткені Ресей әскері тығырыққа тірелді, ал Путиннің ядролық қаруға қатысты айтқаны жағымды жаңалық емес», – деді Боррель.Оның айтуынша, Ресеймен соғысты аяқтау туралы дипломатиялық келісімге қол жеткізу маңызды. Әрине, егер Украинаның егемендігі мен аумақтық тұтастығы сақталса ғана.
«Әйтпесе, соғыс аяқталады, алайда бейбіт түрде емес. Сондай-ақ тағы бір соғыс басталады», – деді ол.Айта кетейік, сәрсенбі күні Путин Ресейдің аумақтық тұтастығын сақтап қалу үшін қолда бар барлық құралдарды қолдануға дайын екенін айтты.
«Бұл өтірік әңгіме емес», – деді Путин үндеуінде.
Taulik.kz