Қалашық Алтын Орда астанасы Сарайшық қаласынан 25 км қашықтықта орналасқан. Қазба орнынан қыш бұйымдар, монеталар мен саз құмыралардың сынықтары табылды. Қалаға жақын жерде сол кезеңдегі жерлеу орны бар, ол сол кезеңдегі ықпалды адамдардың қалдығы болуы мүмкін, деп хабарлайды Taulik.kz сайты.
«Соңғы екі жылда археологтар ежелгі қалалар мен қоныстарды тауып қана қоймай, керуендердің үш бағытын анықтады. Зерттеушілер Қарағайлы шағын қаласын да тапты. Онда қазба жұмыстары енді басталды. Артефакттар бойынша бұл қаланың Алтын Орда астанасымен құрдас екенін байқауға болады», - делінген тарих ғылымдарының докторы Мадьяр Елеуовтің Хабар24 арнасына берген жауабында.
Taulik.kz