Ресейде белгісіз ер адам мектепке оқ жаудырған

Ресейдің Ижевск қаласында орналасқан мектепке белгісіз ер адам оқ жаудырған. 10 адам оқиға орнында қаза тапқан,  ал  20 адам жарақат алған, деп хабарлайды Taulik.kz сайты. Қара костюм киген белгісіз ер адам сабақ барысында сыныпқа кіріп, оқушыларға оқ атқан. Ол әуелі күзетшіні өлтірген. Мектеп директоры жараланған бір оқушымен бірге  кабинетіне кіріп үлгерген. Олар сонда жасырынған.  Әзірге зардап шеккендердің нақты саны туралы ресми түрде хабарланған жоқ.  «112» арнасы он адам қаза тапқанын мәлімдеді, олардың арасында үш бала бар.                                                                                                                                                       Taulik.kz