Танымал актер қайырымдылық жасағаны үшін Гиннестің рекордтар кітабына енді

Рестлинг тарихындағы ең көп әлемдік чемпиондық атаққа ие болған америкалық балуан және кино актері Джон Сина жаңа рекорд орнатты, деп хабарлайды Taulik.kz сайты. Жазылмайтын дертке шалдыққан балалардың тілектерін орындауға көмектесетін Make-a-Wish Foundation халықаралық қайырымдылық қорының тарихында ешкім 200-ден астам баланың тілегін орындай алмады. Алайда Джон Сина 650 баланың тілегін орындап, Гиннестің рекордтар кітабына енді. Актер әрі спортшы 1999 жылы өзінің кәсіби спорттық мансабын бастағаннан кейін, қор жиі іздеген, сұранысқа ие адамдардың бірі болды.

Taulik.kz