Қазақстан Ресей әскери комиссариаттары іздеп жатқан Ресей азаматтарын ұстап бермейді. Бұл туралы бүгін өткен брифингте ішкі істер министрі Марат Ахметжанов айтты. Ішкі істер министрі Қазақстан мен Ресей арасына өзара құқықтық көмек көрсету, сотталғандарды айырбастау және қылмыскерлерді экстрадициялау туралы келісім бар екенін еске салды. «Ең басты қағида, қандай да бір ел екінші елге беру үшін қылмыстық жазаға тартылған адам болуға тиіс. Мұнан өзге, халықаралық іздеу жарияланса да Қазақстан экстрадиция тәртібімен Ресейге бере алады. Әскери комиссариаттардың іздегені – оларды беруге құқықтық негіз бола алмайды», - деді Ахметжанов. Бүгінге брифингтегі мәліметке қарағанда, 21 қыркүйектен бері Қазақстанға Ресейдің 98 мың азаматы келген. Ал 64 мың адам Қазақстаннан қайта шығып кеткен. Қыркүйектің 21-інен бері Қазақстан резиденті емес 8 мың адам ЖСН алған. Taulik.kz
ІІМ: Қазақстан Ресей әскери комиссариаттары іздеп жатқан Ресей азаматтарын ұстап бермейді
ІІМ: Қазақстан Ресей әскери комиссариаттары іздеп жатқан Ресей азаматтарын ұстап бермейді
