Белгілі журналист Гүлмира Әбіқай өз facebook парақшасына хиджаб киіп алған ер адам туралы жазба жариялады, деп хабарлайды Taulik.kz. Ербол есімді ер азамат жынысын ауыстырғысы келетінін айтып көмек сұраған.
“О, тоба! Жүре берсең көре бересің. Ерболды кім таниды? Маған түнгі 2-де жазыпты. Айтуынша, бала кезде көрші еркек зорлаған. Соңғы кезде өзі де әйелден безіп, жынысын ауыстыруға көмек сұрапты. 3-4 ай бұрын хиджаб кидім дейді. Құдай аясын деп қоя салайын десең Sholpan Tohtarkhan психологқа кеше видео жіберіпті. Алдында жыламсыраған 6-7 жасар ұл бала бар, соны аймалап отыр екен. Тағы бір психикалық ауытқуы бар науқас қоғамда еркін жүр, яғни, кішкентай ұл-қызымызға тағы қауіп төнді деген сөз. Бәлкім, өзіне көмек қажет бейбақ шығар? Ербол Алматы маңындағы ауылдан екенін айтқан, ата-анасы бар ма екен? Көрші, туыс, танитындар болса хабарласыңыздар”,- делінген жазбада.
Taulik.kz