Таразда ірі базар орталығы алапат өртке оранды

Таразда ірі базар орталығы алапат өртке оранды Таразда құтқарушылар ірі өртті сөндіріп жатыр. Өрт "Береке" базарындағы асхана мен сауда бутиктерін шарпыған. Бұл туралы Жамбыл облысы Төтенше жағдайлар департаментінің баспасөз қызметі хабарлады.  Төтенше жағдайлар департаменті мәліметінше, өрт туралы қоңырау таңғы сағат 07:52-де түскен. Өрт Тараз қаласындағы Мәмбет батыр көшесі бойындағы "Береке" базарының асханасы мен сауда бутиктерінен шыққан.

"Департамент бөлімшелерінің күштері мен құралдарынан оқиға орнына 56 қызметкер мен 13 техника жұмылдырылды. Өрт сағат 08:30-да өртсөндірушілердің бірлескен күшімен оқшауланды, өртті сөндіріу жалғасып жатыр", - деді Төтенше жағдайлар департаменті өкілдері.

Taulik.kz