Қазақстанның бұрынғы президенті Нұрсұлтан Назарбаев ашқан мешітті екі айдан кейін Астана ескерткіштерінің қатарына қоспақшы, деп хабарлайды Taulik.kz сайты Stan.kz агенттігіне сілтеме жасап.
Орталық Азиядағы ең үлкен мешіт 12 тамызда ресми ашылған еді.
«Реттік нөмірі 43, 44, 45 болатын келесі мазмұндағы жолдармен толықтырылсын: Тәуелсіздік сарайы, 2008 жыл; Бейбітшілік және келісім сарайы, 2006 жыл; Қазақстан Республикасының бас мешіті, 2022 жыл», – делінген Астана әкімдігі қаулысының жобасында.
Еске салайық, Нұрсұлтан Назарбаев мешіттің ашылу салтанататында құрылысын өзі бастағанын атап өткен еді.
«Осындай қасиетті жұма күні елордамыздан мешіт ашып жатырмыз. Бұл – тек елордалықтар үшін ғана емес, барша мұсылман үшін маңызды оқиға. Мен осы мешіттің құрылысын бастағаным үшін құдайға шексіз разымын», – деді Нұрсұлтан Назарбаев.
