Экология, геология және табиғи ресурстар министрлігінің Су ресурстары комитеті "Қазақстан Республикасы үкіметінің резервінен қаражат бөлу туралы" қаулы жобасын әзірледі, деп хабарлайды Taulik.kz Zakon.kz сайтына сілтеме жасап.
Құжатта жазылғандай, Қазақстан Республикасы Экология, геология және табиғи ресурстар министрлігіне 2022 жылға арналған республикалық бюджетте көзделген Қазақстан Республикасы үкіметінің шұғыл шығындарға арналған резервінен 2022 жылғы маусым, шілде және тамыз айларында "Достық" мемлекетаралық каналының қазақстандық бөлігінен Түркістан облысының Жетісай және Мақтаарал аудандарының ауыл шаруашылығы тауарларын өндірушілеріне берілген су үшін 608 миллион 132 мың 980 киловатт-сағат көлемінде Қырғыз Республикасымен электр энергиясының тауар айналымы бойынша көрсетілген қызметтерге ақы төлеу үшін 1 млрд 536 млн 619 мың сомасында қаражат бөледі.
Қаулыда бұл шара суармалы жерлерді суармалы сумен уақытылы қамтамасыз етуге, Түркістан облысы Жетісай және Мақтаарал аудандарының ауыл шаруашылығы тауар өндірушілерінің өнімін сақтауды, бәсекеге қабілеттілігін арттыруды және өңірде әлеуметтік шиеленістің туындамауын қамтамасыз етуге мүмкіндік беретіні де жазылған.
Құжат 3 қарашаға дейін қоғам болып талқылау үшін Ашық НҚА сайтында жарияланды.
Taulik.kz
