Депутат жүргізуші куәлігін беру тәртібін қатайтуды ұсынды

Мәжіліс депутаты Гүлдара Нұрымова жүргізуші куәлігін беру тәртібін қатайтуды ұсынды. Ол жүргізуші куәлігін беру ережелеріне қойылатын талаптарды күшейту қажеттігі туралы Премьер-министрдің орынбасары Роман Склярға депутаттық сауал жолдады.

"Елімізде жыл сайын 13 мыңнан аса жол апаты тіркеледі, онда екі мыңнан астам адам қаза тауып, 18 мыңнан астам адам жарақат алады. Апаттық көрсеткіштердің жыл сайынғы өсуі алаңдатарлық үрдіс. Биыл ЖКО саны тоғыз пайызға өсіп, 21 пайызға көп адам қаза тапты", - деді депутат Мәжіліс отырысында.

Taulik.kz