24 жастағы кәсіпкер қалай бір айда 43 миллион табатынын айтты

24 жастағы кәсіпкер, блогер Әйгерім Шахман қалай бір ай ішінде 43 миллион табатынын айтты. Бұл туралы ол Динара Сәтжанға берген сұхбатында бөлісті, деп хабарлайды Taulik.kz сайты.

«Шынымды айтсам, пандемия мен үшін мүмкіндік болды. Таңнан кешке дейін Қазақстанға заттарды жеткізе алатын логистика компанияларын іздедім. Алғашқы 4 ай табыссыз өтті. Оның үстіне сол кезде негізгі жұмысымнан да шығып кеткен едім. Әрине, қиын болды. Әйтеуір сөйтіп жүргенде сай келетін тасымалдаушы компания таптым. Бірақ тауарды 40 күн күтуге тура келді. Бұл туралы сатып алушыларға айтып едім, олар келісті. Сонымен қатар алғашқы кірісімді тауарымды блогерлер арқылы жарнамалауға жұмсадым. Кейін бәрі сәтті болып, тапсырыстар түсе бастады. Блогерлер жұмыс істеп бастағанда «бум» болды, ол кездері маған айына 5 миллион теңге кіріс түсетін», - дейді ол.

Сонымен қатар кәсіпкер Қытайдан тауар алып сату арқылы бір айлық табысы 43 миллион теңгеге жеткенін айтты. https://www.youtube.com/watch?v=j3T5_Z3MN20