Қытай басшысы Си Цзиньпин АҚШ-қа үндеу жасады

Қытай төрағасы Си Цзиньпин АҚШ-қа үндеу жасап, әлем бейбітшілігін нығайту үшін екі ел тату болуы керек екенін айтты, деп хабарлайды Taulik.kz сайты Deutsche Welle басылымына сілтеме жасап.

«Дүниежүзіндегі бейбітшілікті қамтамасыз ету үшін екі ел бір-бірімен тіл табысудың жолдарын табуы керек. Бүгінде бейбітшілік пен тыныштықтың бұзылғаны бәрімізге аян. Сондықтан АҚШ пен Қытай бірге халықаралық тұрақтылыққа ықпал етуі керек», - делінген Қытай басшысының жолдауында.

Си Цзиньпиннің айтуынша, оның елі «екі елдің жаңа дәуірде бір-бірімен тіл табысуына мүмкіндік беретін жолдарды іздеуде өзара құрмет пен бейбіт қатар жүрген жағдайда АҚШ-пен ынтымақтасуға» дайын.