Рэп айтатын ақсақал желіні шулатты (ВИДЕО)

«Қара шал» лақап атымен танымал ақсақал этникалық рэп орындап жүр, деп хабарлайды Taulik.kz сайты. Рэп орындаушының шығармашылығындағы басты ерекшелік – арғы ата-бабаларымыздың көне руна жазуын бүгінгі күннің сұранысына сай заманауи поп-мәдениетіне ендіру.

«Қара шал – көнекөз қария. Ол этнохоп жанры арқылы халықтың қиын тағдырын баяндайды. Осы арқылы жас айырмашылығы да, шығармашылық шекараның жоқтығын байқауға болады. Өйткені бұрынғы көне дала нақышы мен хип-хоптың үйлесім тапқанын көре аламыз, – дейді әртістің менеджері.

Жобаның «Айтам» деп аталатын алғашқы композициясында 1968 жылғы «Тақиялы періште» фильмінің дауыс фрагментін пайдаланған. Бұл – Алтын қордағы ұлттық киноны көпшілікке танытудағы алғашқы қадам. https://www.youtube.com/watch?v=CyPlHvD0_sM