Ресей Сириядағы лагерьлерге әуе шабуылын жасады

Артиллерияның қолдауымен ресейлік ұшақтар бейбіт тұрғындарға бомба тастады. Қаза тапқандардың арасында үш бала мен әйел бар, тағы 70-тен астам адам жарақат алды, деп хабарлайды Taulik.kz сайты Azattyq Ruhy-на сілтеме жасап. Ресей авиациясы Сирияның солтүстік-батысындағы Идлиб қаласындағы лагерьлерді бомбалап,оның салдарынан тоғыз бейбіт тұрғын қаза тапты. Куәгерлердің айтуынша, Сирия армиясының артиллериясының қолдауымен биіктікте ұшатын әскери ұшақтар Идлибтің батысындағы лагерьлердің жанындағы ормандарға бомба тастаған. Оппозицияның азаматтық қорғаныс қызметі лық толы лагерьлерге соққы болғанын хабарлады.

«Әскери базалар, қоймалар, көтерілісшілер казармасы жоқ. Тек бейбіт тұрғындар», - деді құтқарушы.

Төрт миллионнан астам адам солтүстік-батыстағы оппозиция ұстап тұрған түрік шекарасы бойындағы ауданда тұрады. Олардың көпшілігі көтерілісшілер басып алған территорияларды қайтарып алған ресейліктердің басшылығымен қуылды.