Facebook әлеуметтік желісінде “НемолчиKz" қорының басшысы Дина Таңсәрі жантүршігерлік жағдаймен бөлісті, деп хабарлайды Taulik.kz.
Жазбада Шымкентте 11 сынып оқушысының 7 сыныптан бері өз туған әкесінен зорлық көріп келе жатқанын айтқан.
"Тик токта шымкенттік 11 сынып оқушысы 7 сыныптан бері оны туған әкесі зорлап келе жатқанын айтты. Қыз өзіне екі рет суицид жасамақ болған, өзі хабарлауға қорқады, отбасы көпбалалы отбасы", - деп жазды Дина Таңсәрі. |
Департаменттің баспасөз қызметі мәлімдемеге түсініктеме берді.
"Бұл факт ҚР ҚК 122-бабы бойынша "16 жасқа толмаған адаммен жыныстық қатынас"бойынша Шымкент қ.Қаратау тобының СДТБТ-да тіркелген. Сотқа дейінгі тергеп-тексеру шеңберінде барлық қажетті тергеу әрекеттері жүргізіледі, оның ішінде бірқатар сараптамалар тағайындалды. Психологтар жасөспіріммен жұмыс істейді. Алайда, кәмелетке толмаған қыз және оның ата-анасы полицияға қандай да бір өтініштерден бас тартып, зорлық-зомбылық фактісін жоққа шығарады. Іс Шымкент қаласы ПД басшылығының ерекше бақылауында".
Taulik.kz
