АҚШ ресейлік зымырандар Польша аумағын кесіп өткенін растады

Америкалық барлау қызметі ресейлік зымырандар сейсенбі күні Польшаның әуе кеңістігін кесіп өтіп, екі адамның өмірін қиғанын растап отыр, деп хабарлайды Taulik.kz. Сейсенбі күні түстен кейін Ресей Украина аумағына жаппай зымырандық шабуыл жасап, зымырандар Польша шекарасына жақын жерге құлады. Radio ZET тілшісі бейресми түрде Украина шекарасына жақын Пржеводов ауылында екі зымыран құлап, астық кептіргіштерге соғылғанын хабарлады. Екі адамның қайтыс болғаны белгілі болды. Оқиға орнына полиция, прокуратура және әскери өкілдер келді.