Қырғызстан Республикасының депутаттары қырғыздың зерттеуші-журналисті Теміровтың депортациялануы туралы айтты, деп хабарлайды Taulik.kz.
Қырғызстан депутаттары тергеуші-журналист Болот Теміровтың Қырғызстаннан Ресейге депортациялануын заңсыз деп мәлімдеді.
«Кеше бір қырғыз Қырғызстаннан заңсыз шығарылды. Оның (Теміровтің) тергеу жүргізгенін түсінемін, бұл ісі біреулерге ұнамады, бірақ құқық қорғау органы мен соттың есебінен дәл былайша кек алу дұрыс емес және заңсыз», - деді депутат Дастан Бекешев.
Қызы Аида Изатбек те Теміровті жақтады. Ол билікті «шектен шықпауға» шақырды.
Қазіргі уақытта Теміров отбасымен Мәскеуде. Бұл туралы журналисттің жұбайы Махабат Тәжібекқызы мәлімдеді.
«Біз онымен хабарласып отырмыз, бәрі жақсы. Бірақ ары қарай не болатыны бізге жұмбақ. ФСБ қызметкерлері оны (келгеннен кейін) қамауға алады деп қорыққанбыз, бірақ тиіспеді», - деді ол.
Теміровтың адвокаты Батыр Ботобеков қорғауындағы адаммен өзі әлі жеке сөйлеспегенін айтты. Ол журналист «қазір күйзелістен арылуда» деп тілге тиек етті.
Еске салайық, 23 қарашада сот журналист Болот Теміровті елден шығару туралы шешім қабылдаған болатын. Теміров Қырғызстанда резонансты журналистік зерттеулермен айналысқан. Бірнеше ай бұрын оны тәртіп сақшылары есірткі сақтады, шекараны заңсыз кесіп өтті, Қырғызстанның құжаттарын алу кезінде жалған анықтамаларды пайдаланды, т.б бірқатар құқық бұзушылықтарға қатысы бар деген күдікпен ұстаған болатын.
Тергеу барысында журналистің Ресей азаматы екені анықталды.
Оған тағылған айыптардың көбі, оның ішінде «Есірткі сақтау» бабы бойынша сот оны ақтап шықты, дегенмен судьялар оны Ресей Федерациясына депортациялау туралы шешім қабылдады.
Taulik.kz
