Алтай Көлгінов отставкаға кете ме? – әкім пікір білдірді

Астана қаласының әкімі Алтай Көлгінов өз «отставкасы» туралы пікір білдірді, деп хабарлайды Taulik.kz ҚазАқпаратқа сілтеме жасап. ҚР Пезидентін ұлықтау рәсімінен кейін БАҚ өкілдері елорда әкімі Алтай Көлгіновтен өз отсткавкасы туралы телеграм-арналарда тараған ақпараттарға қатысты пікірін сұрады.

«Мен сыбыстарға байланысты ештеңе деп пікір білдіре алмаймын. Менің ойымша, бәрін уақыт көрсетеді. Өздеріңіз білесіздер, заңға сәйкес, Конституция бойынша Президент сайланғаннан кейін әкімдердің бәрі де өз лауазымын босатады. Одан әрі қарай не болатынын өздеріңіз де еститін шығарсыздар. Біз әрдайым елге, қоғамға қызмет етуге дайынбыз. Мемлекеттік қызметтің де мәні сол ғой», – деді әкім.